NunaGreen A/S-mi Qeqertarsuup Tunuani sanaartugassami suliniummut aqutsisoq

”Suliniummut aqutsisussaqqippit misilittagalik mingutsitsinngitsumillu nukissiornermik piujuartitsinermillu soqutigisalik?”

Suliniutinut aqutsisutut misilittagartuujuit, Kalaallit Nunaannilu piujuartitsinermut ikaarsaarnermi suleqataanissamik kissaateqarpit? Suliniutini angisoorsuarni siunissami inunnut avatangiisinullu nalilinnik pilersitsisuni suleqataanissaq kissaatigaajuk? NunaGreen suliniummut aqutsisumik mingutsitsinngitsumik attaveqaasersuutinik ineriartortitsinermi, siunissamillu piujuartitsisumik pilersitsinermi suleqataarusuttumik sulisussarsiorpoq.

NunaGreenimi suliniummut aqutsisutut suliffeqarfimmi nutaaliornermik, akisussaassuseqarnermik nunarsuarmioqataanermillu isiginninnerup ingiaqatigiiffianut ilaalissaatit. Pinngortitami kulturimilu immikkuullarilluinnartumi pilersaarummik suliaqarnissamut periarfissaqalissaatit, aalajangikkatillu Kalaallit Nunaanni siunissami nukissiamik mingutsitsinngitsumik atuineranut toqqaannartumik sunniuteqassapput.

Assigiinngiiaarnerup suleqatigiiusugut nukittunerulersissagaatigut upperaarput. Suliffeqarfik sulinerup inuttullu inuunerup oqimaaqatigiinneranik pingaartitsisoq, immikkuullarissumillu periuseqarnernik nukittut isiginnittoq misigissavat.

Atorfik pillugu

NunaGreenimi suliniummi aqutsisutut Kalaallit Nunaata nukissiamik mingutsitsinngitsumi pilersaarutaani nutaaliorfiunerpaami sulinissamut periarfissaqalissaatit. Suliatit assigiinngisitaartuussapput, suliniummilu aqutsinermik, ataqatigiissaarinermik siunnerfilimmillu pilersaarusiornermik imaqassapput. Sanaatornermik suliniutit annertoorsuit pisariusullu, siunissami Kalaallit Nunaanni mingutsitsinngitsumik attaveqaateqarnikkut tunngavissiisut aqunnissaat akisussaaffigissavat – tamatumani Qasigiannguani Aasiannilu pilersuinermi Qeqertarsuup Tunuani erngup nukinganik nukissiorfimmik sanaartorneq ilanngullugu.

Sanaartornermi pisortarput toqqaannartumik qullersarissavat, suliffeqarfimmilu avataanilu soqutigisaqartut qanimut suleqatigissallugit, oqartussanik sulianik siunnerfiliillutillu mingutsitsinngitsumut ikaarsaarnermut ilapittuissaatit. Atorfik maanna inuttalerneqarnissamut piareeqqavoq.

Pingaarnertut akisussaaffitit makkuussapput

• Suliniummut aqutsineq: Pisariitsumik pilersaarusiornermik, ataqatigiissaarinermik suliniutillu aallartinnerannit naammassinerannut qulakkeerinninneq. Piffissamik pilersaarutinik, missingersuutinik isumalluutinillu atuinermik pilersaarusiornermik ineriartortitsinermik suliaqassaatit, taakkulu eqquutsinneqarnissaat pillugit malinnaallutit.
• Aarlerinaatinik aqutsineq: Aarlerinaataaratarsinnaasunik suussusersillunilu passussineq, pinaveersaartitsinermik periusissianik ineriartortitsineq pilersaarutillu ingerlanerani unammillernartut naammassisaqarfiulluartumik passunneqarnissaat.
• Isumaqatigiissutissanik isumaqatiginninniarneq: Pitsaanerpaanik pilersaarutip anguniagaanik piffissaliussanillu malinninnissamik ikorfartuisunik sanaartortitsisunik pilersuinillu isumaqatiginninniarneq.
• Oqartussat suliarinninnerat: Pilersaarutit nunami piffimmilu malittarisassanik malinninnera qularnaarniarlugu inatsisinik akuersissutinillu ingerlatsineq.
• Pitsaassutsimik aqutsineq: Pitsaassutsimut tunngasunik atortorissaarutinik tunniunneqartut tamarmik teknikikkut avatangiisunullu tunngasunik malitassianik qulakkeerinnittunik atulersitsineq alaatsinaannerlu.
• Sulinermi avatangiisit avatangiisillu: Sulinermi avatangiisinik periusissianik avatangiisinullu suliniutinik atulersitsinikkut alaatsinaannikkullu isumannaatsumik piujuartitsisumillu sulinermik siuarsaaneq.
• Akimuisumik suleqatigiinneq: Pilersaarutip ajornaatsumik naammassisaqarfiulluartumillu ingerlanneqarnissaa qularnaarniarlugu suliffeqarfimmi avataanillu soqutiginnittunik qanimut suleqateqarneq.
• Nalunaarusiorneq: Ingerlaavartumik suliniutip killiffia pillugu sanaartornermut pisortamut nalunaarusianik saqqummiussinernillu suliaqartassaatit.

Illit tunuliaqutallu

Takorloorparput:

• Sanaartornermi suliniutinut aqutsinermi misilittagartuujusutit, ajornanngippat nukissiornermi attaveqaasersuinermilu.
• Soorlu ingeniøritut, maskinmesteritut, konstruktøritut, sarfamik sakkortuumik imaluunniit assingusumik sanaartornermi immikkoortumi tunuliaqutaqartutit, suliniutinullu aqutsinermi misilittagaqartutit.
• Attaveqarnermi piginnaaneqarluartutit suleqatigiinnermillu nuannarisaqarlutillu ataatsimoorluni angusanik pilersitsisartutit.
• Aarlerinaatinik aqutsinermi, pitsaasumik suliaqarnermi isumaqatigiissutissanillu isumaqatiginninniarnermi piginnaasaqartutit.
• Immikkuualuttunut tapissuusutit, peqatigisaanillu tamakkiisumik isiginnittartutit.
• Nukissiamik mingutsitsinngitsumik piujuartitsinermillu nuannarinninnitsinnut ilaasutit naammassisaqarusuttutillu.

Neqeroorutivut

NunaGreen atorfimmik pilerinartumik nukissiuutinut ataavartunut mingutsitsinngitsumullu allanngoriartortitsinermut tunngatillugu Kalaallit Nunaanni suliffeqarfiit siuttoriligassaata ineriartortinneqarneranut annertusarneqarneranullu annertuumik sunniuteqarfiusinnaasumik neqerooruteqarpoq. Suliffeqarfimmik ineriartortuartumi takorluugalimmillu nukissiamik piujuartumik aallussisumi ilaalissaatit. Sulinermi avatangiisit peqqinnartut persuarsiortumik ingerlatsiviunngitsut Qeqertarsuullu Tunuani pilersaarutinik qanimut suliaqarnissamik periarfissiisut neqeroorutigaavut. Atorfik Nuummi qullersaqarfimmi inissisimavoq (isumaqatigiissuteqarnikkullu Qeqertarsuup Tunuanut inissinneqarsinnaalluni) sanaatornermillu pisortaq qaninnertut qullersarissavat.

Suliffeqarfik inissaqartitsisoq eqaatsumillu ingerlatsisoq anguniakkanut ilaquttanullu inissaqartitsisoq misigissavat. Suliffeqarfiuvugut alliartortoq, illillu sulinerit misinnartuussaaq, ataatsimoorlutalu angusat annertuut annikitsullu nuannaarutigisarpavut.

Apeqqutissaqaruit sanaartornermi pisortatsinnut Elingur Leifssonimut oqarasuaatip normua +299 363652 atorlugu attaviginissaanut tikilluaqqusaavutit.

Qinnuteqaatit CV-llu HR-imi immikkoortutsinnut tek@nunagreen.gl nassiuguk. Oqaloqatiginninnerit ingerlaavartumik pissapput.

Periarfissaq akoruk Kalaallillu Nunaanni siunissami nukissiamik mingutsitsinngitsumik ilusileeqataagit.

Naatsumik NunaGreen A/S pillugu

NunaGreen suliffeqarfiuvoq nutaaq ersarissumik suliassalik: Tassa Kalaallit Nunaannik nukissamik ataavartumik mingutsitsinngitsumullu ikaarsaarnermik siuttunngortitsinissaq. Tunniusimalluta erngup nukinganik innaallagissiorfinnik ineriartortitsinermik sanaartornermillu kiisalu nukissianik piujuartitsisunik allanik misissuinermik suliaqarpugut.

Kalaallit Nunaat nukissiami piujuartumi annertoorujussuarmik pissamaateqarpoq, periarfissallu taakku piujuartitsisumik iluaqutiginissaat akisussaaffitsitut isigaarput. Nutaaliornikkut ungasissumullu sammisumik ineriartortitsinikkut mingutsitsinngitsumut ikaarsaarnermut, erngup nukingata nukissiallu ataavartup pingaarutilimmik atorneqarnerani ilapittuinissarput anguniartuarparput.

NunaGreenimi avatangiisunut pitsaasumik sunniuteqarnermik pilersitsinissamik kissaateqarneq, peqatigisaanillu Kalaallit Nunaanni innuttaasut inuuniarnermi atugaannik pitsanngueqataanissaq pingaartitaralugu sulivugut. Nuummi qullersaqarfeqarpugut tassanilu sulinermi avatangiisit pitsaasut akuutitsisullu pingaartitaraavut, siunissamillu mingutsitsinnginnerusumik anguniagaqarnitsinni suleqatissanik tunniusimalluartunik pissarsiorpugut.